聖誕節除咗會有豐富的聖誕大餐外，大家又有無留意到身邊嘅璀璨閃亮的聖誕裝飾呢？其實不同裝飾品都有特別的寓意同故事，讓我們一同了解一下啦！

  聖誕樹 - 生命樹  

聖誕樹通常採用四季常青嘅松柏，有人話最早開始喺屋企擺放聖誕樹嘅是德國人，因為松柏一年四季都係綠色，所以被視為永恆生命的象徵，所以都有人叫佢做「生命樹」，象徵永不倒下的生命力。放置於樹頂上的星星，則是伯利恆之星，和耶穌誕生有關。

  槲寄生 - 浪漫和活力  

橢圓形嘅半寄生植物槲寄生，從基督教興起之前，喺歐洲已經擁有許多涵意，它是浪漫、活力與生育力的象徵，因此好多人都相信呢種植物具有展開一段浪漫戀情嘅神秘力量，於是演變出聖誕節當天，只要一對男女喺槲寄生下方相遇，就必須親吻對方並摘下一粒漿果嘅習俗。

  聖誕老人  

至於聖誕節最具代表性嘅象徵，就一定係聖誕老人，呢位留著白色胡鬍、肥甩白白嘅慈祥老公公，會喺聖誕節時乘著馴鹿雪撬，分送禮物給世界各地善良乖巧嘅小朋友。聖誕老人雖然係虛構人物，但就有一個相類似嘅真人真事作參考原型。西元4世紀羅馬帝國時期生活於小亞細亞米拉城（Myra，位於今日土耳其安塔利亞省的代姆雷（Demre））的主教「聖尼古拉（Saint Nicholas）」。據說他曾從窗戶把硬幣丟入屋內（啱啱好跌入掛喺壁爐上嘅襪子），為貧窮屋主送上女兒們嘅嫁妝。呢個傳說都引伸至小朋友在聖誕節時喺壁爐掛襪子，希望瞓醒就會見到入面放滿禮物！

  聖誕柴 - 灰燼成守護神  

聖誕節時喺壁爐中劈啪作響嘅柴稱為聖誕柴，呢塊巨大嘅木頭一定要可以燃燒一整晚，中途唔可以熄滅！喺以油或酒祝聖後，家中最年長同最年輕嘅成員就會一同將它點燃。燃燒後嘅灰燼會被好好保存，因為人們相信可以保護房屋不受雷電襲擊或魔鬼侵擾。不過隨著壁爐喺現代家庭逐漸消失，聖誕柴如今以包裹巧克力或咖啡奶油嘅木材造型蛋糕取代，成了聖誕大餐中嘅甜點！

  冬青 - 生命和永恆  

紅色漿果嘅冬青，因為即使喺最冷嘅季節依舊呈現深綠與鮮紅，因此被認為象徵生命同永恆，掛在家中能帶來好運同保護。佢喺基督教中同耶穌嘅苦難連結。傳說果實原本係白色，因為耶穌喺十字架上為世人嘅罪孽流下鮮血染紅了漿果。至於冬青長著尖刺的葉子，則象徵耶穌頭上戴著的荊棘冠冕。

以上的介紹係唔係好令人意想不到呢！讓我們一齊為我地嘅聖誕派對做節日佈置啦！千祈唔好忘記仲要訂一份包羅萬有的聖誕套餐同親朋好友一齊狂歡！我地嘅Food Channels Catering提供多款派對套餐及單點美食供選擇，全港各區直送，適合生日派對、宴會、公司活動、朋友聚會或小朋友生日會！立即透過我地網站或者WhatsApp我地查詢預訂啦！祝大家聖誕快樂！

< 2022聖誕節到會套餐現已推出，可按此查看 >