每逢中秋節都會有好多慶祝活動，以往香港都舉辦過大大小小嘅節慶活動，例如中秋維園彩燈會、大坑舞火龍等等，相當有節日氣氛。受中華文化嘅影響，有啲亞洲國家都會慶祝中秋，雖然習俗唔同，但節日氣氛同香港一樣，非常濃厚。今日就一齊睇吓呢4個國家點慶祝中秋啦！

    1. 日本    

農曆八月十五中秋節喺日本被稱為十五夜。日本人係呢一日會賞月，日文會稱為「月見」，通常一啲寺院同神社會喺中秋節舉辦專門嘅賞月會。日本人會一邊賞月一邊舉行宴會，日文會稱為「觀月宴」。呢個時候正值農作物嘅收穫季節，所以日本人會舉行各種慶祝活動感謝大自然。日本喺稻米文化之國，所以佢哋會奉上原料係米嘅月見糰子，即江米糰子，擺成金字塔作為供品，日本人亦會邊賞月邊食月見糰子，寓意滿月、圓滿、健康幸福之意。

    2. 越南    

越南人會喺中秋節舉行花燈節，市民設計花燈進行比賽，勝出者將會獲得獎勵，小朋友亦會拎住自己親手做或者買嘅燈籠去行街同睇舞獅表演，因此，現今越南嘅中秋節演變成以兒童為主嘅節日。過節時全家人會圍坐喺陽台、花園或者野外，放上月餅、生果同各式點心，邊賞月邊享用。越南人會食中秋軟Q餅同燒餅，前者係白色或綠色，味道偏甜、口感較嫩，餡料一般係蛋黃、綠豆沙同蓮蓉，後者則鹹甜都有。

    3. 泰國    

泰國嘅中秋節叫祈月節，人們會喺呢日帶住壽桃去祭祀觀音、菩薩、八仙以祈求平安。大部份家庭保留咗中國潮汕風俗，佢哋會以清茶祭拜祖先同神明，常見供品包括鮮花、素果同各式月餅。喺唐人街，家家戶戶會點起綵燈，成條街都係五光十色嘅燈籠。泰國人會為月餅添加當地嘅元素，研發唔同口味嘅月餅，例如山竹月餅同榴槤月餅。佢哋亦會食碌柚同蓮蓉餡壽桃包，前者寓意團團圓圓，後者有祈月同祝福嘅寓意。

    4. 韓國    

韓國嘅中秋節叫秋夕，意思係農曆八月嘅滿月。韓國人會喺中秋節表達對祖先嘅感謝之意，所以會進行祭祀同掃墓活動。佢哋會喺屋企嘅祭祀枱上，擺放第一批收成嘅穀物同水果，向祖先行大禮，呢個儀式叫做茶禮。結束之後，一家人會一齊掃墓。韓國人喺中秋節嘅時候會一家人一齊製作松餅，即係韓國嘅月餅，松餅做糯米做成，一般係芝麻、紅豆或栗子餡。松餅包好之後放入蒸籠蒸，蒸煮嘅時候會鋪上松葉，所以會有松葉嘅香氣。

雖然唔同國家慶祝中秋節嘅方式同習俗都唔同，但係都見到佢地有個共通點，就係想祈求一家人齊齊整整、幸福美滿。一家人聚會就最啱嗌到會啦，我地嘅Food Channels Catering提供多款派對套餐及單點美食供選擇，全港各區直送，適合生日派對、宴會、公司活動、朋友聚會或小朋友生日會！立即透過我地網站或者WhatsApp我地查詢預訂啦！祝大家中秋節快樂！

< 2022中秋歡聚到會套餐經已推出，可以在網上查看餐牌選購 >